SHBA- Qendra Kombëtare e Motit e SHBA-së (NHC) njoftoi sot se një zonë me presion të ulët në Oqeanin Atlantik është forcuar në Stuhinë Tropikale Sandal dhe pritet të lëvizë përgjatë bregdetit të Karolinës së Jugut të dielën në mëngjes. Stuhia tropikale po shoqërohet me erëra maksimale të qëndrueshme prej 64 km/orë, sipas NHC-së, dhe ndodhet 241 km në juglindje të Charleston, Karolina e Jugut.
Përmbytjet kanë vrarë disa persona në Teksas, në jug të Shteteve të Bashkuara, njoftuan autoritetet lokale, dhe ka gjithashtu raportime për persona të zhdukur, përfshirë fëmijë. Bilanci i viktimave nga rritja e papritur e niveleve të ujit mbetet i paqartë, shpjegoi në një konferencë për shtyp Rob Kelly, kreu i autoriteteve lokale në Qarkun Kerr, që ndodhet në Teksasin qendror.
Rob Kelly theksoi se këto përmbytje ndodhën papritur në një zonë që është mësuar me këtë lloj fenomeni.
“Kemi përmbytje gjatë gjithë kohës. Kjo është lugina më e rrezikshme e lumit në Shtetet e Bashkuara”, tha ai, duke iu referuar lumit Guadalupe që kalon nëpër zonë, por “nuk kishim arsye të besonim se diçka e tillë do të ndodhte”.
Sipas Administratës Kombëtare Oqeanike dhe Atmosferike (NOAA), niveli i lumit Guadalupe u rrit gjatë natës, nga 2 metra në më shumë se 9 metra, pas reshjeve të shiut. Shërbimi meteorologjik lëshoi një paralajmërim për përmbytje për Qarkun Kerr jug-qendror, duke i nxitur banorët të shmangin të gjitha udhëtimet dhe ata që jetojnë pranë lumit Guadalupe të zhvendosen “në zona me lartësi më të madhe”.
Në mesin e qershorit, të paktën dhjetë persona vdiqën për shkak të përmbytjeve në San Antonio, Teksas Jugor, pas shirave të rrëmbyeshëm.
