TIRANË- Kryeministri Edi Rama ka vendosur t’i rikthehet rubrikës së tij “Sy m’Sy” pas një ndërprerjeje që pak ditë para zgjedhjeve të 11 majit. Në fakt Rama në daljen e tij në këtë rubrikë para zgjedhjeve deklaroi se do të jetë “Sy m’Sy-ja” e fundit.
Në një postim në profilin e tij në “Facebook”, Rama njoftoi komunikimin e radhës nesër në orën 08:30. Ai ka pyetur ndjekësit : Si thoni? Shihemi nesër. Ngjitur me postimin ka ndarë një foto të logos së rubrikës ndërsa njofton se do të mbahet komunikimi i radhës në 08:30.
Kryeministri ka zgjedhur këtë format komunikimi live në rrjetet sociale, për t’iu përgjigjur sa më shumë qytetarëve që komentojnë mbi çështje apo problematika të ndryshme. Ai gjithashtu e hapi këtë rubrikë para zgjedhjeve ku fliste për planet e Shqipërisë 2030 që ka qenë edhe në fokus të fushatës së tij elektorale.
