Sulmuesi i Kombëtares kuqezi, Mirlind Daku mori një vëmendje të madhe pas golit të parë të shënuar me fanellën kuqezi. Vetëm 1 minutë pas aktivizimit në lojë, Daku vulosi sfidën me golin ndaj Polonisë.
Por ku ka luajtur më parë Mirlind Daku, heroi i ri kuqezinjve? Daku nga viti 2017 deri në 2018 ka qenë pjesë e ekipit kosovar, KF Hajvalia.
Ky ekip i zhvillonte të gjitha ndeshjet e Superligës në stadiumin e Kishnicës, e cila sot ndodhet në gjendje të mjerueshme. Koha Ditore ka arritur të sigurojë disa pamje të stadiumit i cili tashmë është kthyer në një kënetë.
