Territori i Qarkut Lezhë është përballur me reshje shiu të ulta dhe dëborë në lartësi mbi 700 metra, me situatën aktuale që tregon ndërprerjen e reshjeve. Në bashkinë Mirditë, gërryerja e tokës bujqësore nga Lumi Fan i Vogël ka shkaktuar rrëzimin e shtyllave elektrike, duke lënë pa energji disa fshatra si Ndërfanë dhe Gëziq. Autoritetet kërkojnë mbështetje urgjente nga Ministria e Bujqësisë për të parandaluar përhapjen e gërryerjes drejt rrugëve dhe banesave.
Një tjetër problem është shfaqja e tubacionit të ujësjellësit në Jezull, i rrezikuar nga gërryerjet, që potencialisht mund të shkaktojë këputje ose shembje të rrugëve që lidhin fshatrat. Verifikimet nga strukturat e bashkisë tregojnë se reshjet e fundit kanë sjellë rrëshqitje toke në disa fshatra, duke rrezikuar prona dhe banesa.
Në bashkinë Kurbin, gjendja është përmirësuar në zonat problematike. Ujërat në njësinë Fush Kuqe po evadojnë, ndërsa ka pasur bllokim të lokalet dhe bizneseve në fshatin Patog për shkak të baticave detare. Grupi i punës vazhdon të monitorojë dëmet, veçanërisht në fshatin Adriatik, dhe ka planifikuar pastrimin e rrugicave e forcimin e KUL në Njësinë Mamurras.
Bashkia Lezhë paraqitet e qetë, me monitorime në vazhdim për problemet e mundshme. Punët për evidentimin e dëmeve të shkaktuara nga përmbytjet gjithashtu po vijojnë. Sot janë angazhuar kamionë dhe ekskavatorë përforcimin e argjinaturës së lumit Drin në Shëngjin. Furnizimi me ujë të pijshëm është normal, ndërsa niveli i lumenjve Drin dhe Mat ka pësuar ulje, duke arritur në parametrat normal. Deri tani, nuk ka raportime për probleme në akset rrugore.
