Të shtëna me armë zjarri janë regjistruar mëngjesin e sotëm në Kukës, ku është raportuar se është qëlluar drejt një biznesi. Sipas informacioneve të para, nuk ka persona të lënduar në këtë ngjarje. Policia ka mbërritur në vendngjarje dhe është angazhuar për të grumbulluar të dhëna që do të ndihmojnë në zbardhjen e rrethanave.
Ngjarja ka ndodhur rreth orës 09:30, kur shtetasi L. O. njoftoi Policinë se ka vënë re dëmtimin e fasadës me xham të dyqanit të tij. Policia dhe grupi hetimor janë mobilizuar menjëherë për të shqyrtuar vendin e ngjarjes, ku rezultoi se fasada ishte dëmtuar nga të shtëna me armë zjarri gjatë natës.
Aktualisht, grupi hetimor po punon nën drejtimin e Prokurorisë për të sqaruar rrethanat e ngjarjes dhe për të identifikuar e kapur autorin ose autorët e kësaj akti kriminal. Інformatat do të vijojnë të azhurnohen nga policia në përpjekje për të zbardhur ngjarjen e ndodhur.
