Këshilli i Ministrave ka miratuar kushtet për negociimin midis shoqërisë publike “KAYO”, sh.a., dhe shoqërive private, me qëllim krijimin e një shoqërie aksionare për prodhimin dhe tregtimin e armëve të kalibrave të vegjël, të mesëm dhe dronëve. Sipas vendimit, “KAYO” do të mbajë një pjesëmarrje minimale prej 20% në aksionet e kësaj shoqërie të përbashkët dhe do të kontribuojë me 5000 m² pasuri të paluajtshme që do t’i jepen shoqërisë së re për përdorim.
Gjithashtu, “KAYO” do të sigurojë nga subjekti privat një investim minimal prej 50 milion eurosh dhe do të kërkojë ofrimin e teknologjive për prodhimin dhe montimin e produkteve. Nxjerrja e armëve do të përfshijë nevojat e Forcave të Armatosura dhe struktura të tjera të sigurisë. Pjesa tjetër e negociatave do të përcaktojë se administratori i ri do të zgjidhet me miratimin e “KAYO”, duke garantuar se të paktën 40% e Këshillit Drejtues do të emërohen nga kjo shoqëri.
Statuti i shoqërisë së re do të përfshijë dispozita mbi të drejtën e vetos për “KAYO”. Siguria fizike e infrastrukturës do të sigurohet nga Forcat e Armatosura, sipas ligjeve të aplikueshme. Ky vendim hyn në fuqi menjëherë dhe publikohet në “Fletoren Zyrtare”, duke u ngarkuar “KAYO” për zbatimin e tij. Kryeministri Edi Rama dhe zv/kryeministrja Belinda Balluku kanë nënshkruar vendimin.
