Shtatë persona janë shoqëruar nga policia në lidhje me një ngjarje të rëndë që ndodhi në një lokal, ku një konflikt mes dy individëve përfundoi me vrasje. Sipas hetimeve, Daniel Pepa dhe Arianit Kurti vizituan lokalin dhe Danieli i kërkoi kamarierit një kafe. Kamarieri i sqaroi se ekspresi ishte i fikur dhe nuk mund të përgatiste kafe në atë moment.
Pas kësaj, Danieli reagoi me nervozizëm, duke kërkuar që kamarieri ta ndezë ekspresin, duke përdorur fjalë fyese ndaj tij, të cilin e njente. Në këtë situatë ndërhyri Flori Paluçi, i cili i tha Danielit se nuk mund ta fyesh kamarierin pasi ai ishte ulur me të.
Debati mes tyre u ashpërsua dhe përfundoi me përdorimin e armëve të zjarrit. Flori Paluçi u akuzua si personi që ka qëlluar i pari, duke shkaktuar vdekjen e Arianit Kurtit, ndërsa më pas, Daniel Pepa qëlloi dhe vrau Paluçin. Të dyja vrasjet ndodhën jashtë lokalit, pas zhvillimeve të tensionuara që u shfaqën fillimisht brenda tij.
Grupi hetimor vazhdon hetimet për të sqaruar të gjitha detajet rreth ngjarjes dhe për të identifikuar rollet e pjesëmarrësve të tjerë. Shtatë personat e shoqëruar janë duke u marrë në pyetje për të hedhur më shumë dritë mbi motivet dhe zhvillimet e ngjarjes fatale që tronditi komunitetin.
