HUNGARI- Kryeministri Edi Rama, nuk i kurseu batutat në fillim të deklaratës së tij të përbashkët me homologun hungarez, Viktor Orban, në kuadër të takimit të Komunitetit Politik Evropian që po mbahet në Budapest. Rama në konferencën e përbashkët me Orban e nisi fjalimin e tij me një batutë duke thënë se Shqipëria është gjuhë parajse, por duhet një përjetësi për ta mësuar.
“Shqipëria është një gjuhë parajse, duhet një përjetësi për ta mësuar. Ndërkohë është edhe purgator që të duhet një përjetësi të marrësh vesh nëse përjeton ferrin apo parajsën kur përkthehet. Prandaj po përdor anglishten time, se nuk dua që përkthyesi të fajësohet prej meje. Ka qenë një ditë e veçantë të vizitoj këtë kryeqytet të bukur, kemi pasur shansin për të shijuar bisedimet me kryeministrin. Ka qenë deri në fund speciale të shohësh edhe të gjithë Europën të mblidhet në këtë vend,” tha Rama.
