Në përfaqësimin shqiptar në skitë, përveç Lara Colturit, ka edhe një tjetër emër të rëndësishëm: Deni Xhepa. Ai është një skiator 22-vjeçar, i njohur për performancat e tij premtuese në skitë alpine. Deni ka arritur rezultate të shkëlqyera në aktivitetet e skive alpine, duke u dalluar së fundmi në Val Cenis, pjesë e Ski Chrono Samse Tour, aktivitet i Kupës së Botës në skitë alpine për sezonin 2025-2026.
Në garën e Slalom-it, ai përfundoi në vendin e parë me kohën 1:29:41, duke lënë pas dy skiatorë francezë, Hout-Marchand dhe Lopez. Para këtij suksesi, Deni zuri vendin e tretë në Giant Slalom më 8 Dhjetor dhe vendin e dhjetë më 9 Dhjetor. Këto performanca të shkëlqyera i kanë mundësuar atij të ndihmojë në uljen e pikëve të tij të renditjes për 23, duke e bërë atë një kandidat potencial për të qenë pjesë e cirkuitit të Kupës së Botës në skitë alpine, nëse vazhdon me këtë nivel të larti performancave në garat e ardhshme.
Deni Xhepa është gjithashtu pjesë e ekipit kombëtar përfaqësues të Shqipërisë në Lojrat Olimpike Dimërore, që do të mbahen në Milano-Cortina në vitin 2026. Kjo e bën atë një figurë të rëndësishme në skitë për vendin tonë, duke pasuar hapësirën e krijuar nga Lara Colturin dhe duke kontribuar në rritjen e dukshmërisë së Shqipërisë në këtë sport.
Deni po tregon se Shqipëria ka talent të ri në skitë alpine, e cila po e sfidon vazhdimisht konkurencën europiane dhe po këndell nismat e reja për shkallët e suksesit në skitë. Me këtë ritëm në përformancat e tij, ai ka potencialin për t’u bërë një emër i njohur në botën e skive.
