Ndeshja ndërmjet Shqipërisë dhe Spanjës do të luhet sonte në orën 21:00 në Dyseldorf, ndërsa 35 mijë shqiptarë pritet të jenë të pranishëm në stadium.
Kuqezinjtë në këtë takim nuk kanë absolutisht asgjë për të humbur dhe përballë një Spanje me shumë titullarë pushim do të provojë pse jo për të arritur një rezultat historik.
Tifozët shqiptarë kanë qenë të shumtë dhe kanë ndezur atmosferën përpara kësaj sfide, tepër të rëndësishme për fatin e Shqipërisë në “grupin e ferrit”.
Ndërkohë më pak se tre orë nga fillimi i sfidës tifozët kuqezi janë nisur drejt stadiumit të “Dusseldorf Arena”. Atmosfera është elektrizuese, ndërsa shpresohet një “mrekulli” e skuadrës së drejtuar nga Sylvinho.
