Në rrjetin social Twitter po qarkullon nje lajm per arrestimin ne Shqiperi te Emre Olur.
Olur njihet si zëdhënësi për median i Sedat Pekerit, i cili ka shkundur Turqinë me deklaratat e tij ku iplikohet presidenti turk Erdogan në afera të ndryshme korruptive.
Sipas raportimeve, shteti turk ka kërkuar ekstradim të menjëhershëm të tij, por kjo gjë nuk është bërë e mundur pasi Emre Olur posedon shtetësi shqiptare.
”Këto ngjarje të njëpasnjëshme na tregojnë ‘diçka’. Fakti që Pekerit iu vendosën 25 milionë dollarë në kokë, sulmi në shtëpinë e tij, ”pushkatimi” i të afërmve të tij dhe operacioni kundër kyçit të tij është mesazhi i Turqisë dhe i Emirateve të Bashkuara Arabe, me të cilat u bënë marrëveshje me motive të ndryshme, ndër to çështja Peker.
Ajo që ndodhi mund të lexohet si “Nëse postoni përsëri, ne do t’ju rimbursojmë”. Ne ripohojmë se sa e rëndësishme është ajo që po thoni.
Uroj që të bëjmë pak më shumë kërkime, të shkojmë pak më tej me të vërtetën!”- thuhet në
twitterin e gazetarit turk Erk Acarer.
Peker ndodhet në Duabi dhe publikon vazhdimisht videomesazhe në të cilat atakohet drejtpërdrejt presidenti turk dhe bashkëpunëtorët e tij më të afërt. Emiratet e Bashkuara Arabe nuk kanë një marrëveshje ekstradimi me Turqinë dhe nuk pranojnë dorëzimin e tij. Asnjë presion apo joshje nga shteti turk nuk ka dhënë efektin e duhur deri tani.
