VLORA- Kamerat e sigurisë pranë servisit të motorëve ku ndodhi shpërthimi me lënë plasëse në Vlorë kanë filmuar një person i cili i afrohet biznesit. Bazuar në këto filmime mësohet se policia po punon për identifikimin e tij.
Nga ana tjetër, bëhet me dije se pronari i servisit të motorëve ka deklaruar se nuk ka konflikte me njeri. Ngjarja ka ndodhur mbrëmjen e djeshme në qytetin e Vlorës. Bëhet me dije se lënda plasëse i është vendosur në një dyqan motorash në dritare.
Sipas informacioneve, në momentin e shpërthimit, nuk ka patur njeri në biznes. Edhe pse shpërthimi ka tronditur qytetin në mbrëmje, policia bën me dije se si pasojë janë shkaktuar vetëm dëme të vogla materiale.
