ELBASAN- Detaje të reja kanë dalë nga shpëthimi me lëndë plasëse në një banesë në Elbasan. Mësohet se ngjarja është inskenuar nga pronari Ardit Pepa i cili në bashkëpunim me nipin e tij kanë vendosur lëndën plasëse me qëllim përfitimin e azilit në një vend të BE.
Gjithashtu bëhet e ditur se Ardit Pepa ka kaluar kufirin për në Greqi pak minuta pas mesnate me gruan dhe fëmijën ndërkohë që vetëm pak minuta më pas nipi i tij ka vendosur sasinë e lëndës plasëse në banesë. Ndërkohë ai është shoqëruar në polici për veprime të mëtejshme.
Nga dëshmitë dhe provat e deri tanishme thuhet se familjarët që posedojnë këtë apartament rezultojnë që jetën e tyre e jetojnë mes Shqipërisë si dhe një vendi në BE. Po ashtu thuhet se ata shkojnë gjithmonë në të njëjtin shtet dhe pas disa muajsh pune kthehen sërish në Shqipëri.
