Nis lufta në Fier. Socialistët i kanë nisur mesazh Taulant Ballës se me veprimet e tij nuk po i drejton punës sic duhet në qytetin e Fierit. Prej kohësh socialistët po hanë kokat e njëri-tjetrit në një luftë të fortë për të asgjesuar politikisht njëri-tjetrin. Mendohet se ky mesazh kreut të grupit parlamentar të PS i ka ardhur nga kryetari i Bashkisë Fier, Armando Subashi.
Beteja për bashkitë e vendit ka filluar mes partive politike kur duhen rreth dy muaj nga zgjedhjet lokale të 14 majit.
Mirëpo, veçse me njëra-tjetrën, forcat politike duket se kanë një betejë dhe brenda vetes dhe disa mbështetës e kanë shprehur hapur mospëlqimin e tyre për një personazh të caktuar.
Bëhet fjalë për kreun e grupit parlamentar socialist, Taulant Balla. Në parrullën që është shkruar në murin e selisë së PS në Fier thuhet: “ Taulant Balla thikë pas shpine PS. Fieri nuk është Elbasan”.
