Këngëtari i njohur Shpat Kasapi, i cili ndërroi jetë në moshën 40-vjeçare pas një ataku në zemër, do të përcillet sot për në banesën e fundit. Homazhet do të zhvillohen në Pallatin e Kulturës në Tetovë në orën 11:00, ndërsa procesioni mortor do të vazhdojë drejt varrezave të qytetit, ku varrimi është caktuar për në orën 14:00.
Reagimi për ndarjen e tij ka ardhur edhe nga partnerja, e cila njofton se ceremonia mortore do të mbahet më 30 nëntor. Kasapi ndodhej në Itali me familjen për një vizitë në lidhje me djalin në momentin e ndodhjes së fatkeqësisë.
Gjatë karrierës së tij, Kasapi la pas shumë aktivitete artistike, duke marrë pjesë në festivale të rëndësishme dhe duke realizuar bashkëpunime të suksesshme që e bënë atë një nga emrat më të njohur në muzikën shqiptare. Në vitet e fundit, ai ka vazhduar të jetë aktiv dhe aktual në skenën muzikore, duke ruajtur një popullaritet të konsiderueshëm në mesin e adhuruesve të tij.
