Edhe pse reshjet e shiut të sotme ishin me intensitet të ulët, ato kanë shkaktuar përsëri probleme në Bulqizë. Rrugët nacionale dhe ato rurale, përfshirë aksin që lidh Lagjen e Re me Lagjen e Vjetër, vazhdojnë të bllokohen nga prurjet e ujit çdo herë kur bie shi.
Situata në këtë segment ka qenë e ngjashme edhe vitin e kaluar, kur disa automjete ngelën të bllokuara, duke shkaktuar dëme në motorët e tyre. Ky problem përbën shqetësim për banorët dhe përdoruesit e këtyre rrugëve, të cilët gjejnë vështirësi në lëvizje dhe lidhje midis lagjeve.
Rrugët e Bulqizës, që ndodhen nën rrezikun e bllokimit, kërkojnë një vëmendje të veçantë nga autoritetet, sidomos në periudha me reshje intense. Pasojat e këtij fenomeni ndikojnë jo vetëm në rrjedhjen normale të jetës për banorët, por gjithashtu ndikon edhe në sigurinë e transportit në zonë.
Për më tepër, autoritetet nxjerrin edhe një mësim nga përvojat e kaluara, duke sugjeruar që masat parandaluese të jenë të domosdoshme për të shmangur bllokimet e përsëritura në të ardhmen.
