BERAT– Gjykata e Beratit ka lënë në burg këtë të martë Natasha Rombulën dhe Armando Kumarakun, nënë e bir që shfrytëzonin në rrjetet socilae (Tik Tok), nipin e mitur. Vendimi i sotëm i Gjykatës së Beratit vjen pas ankimimit të vendimit që avokati i të arrestuarëve kishte bërë pas vendimit të Apelit që la në fuqi vendimin e Shkallës së Parë ndaj Rombulës dhe Kumarakut.
Para togave të zeza, avokati i Natashës, ka pretenduar se 67-vjeçarja duhet të lirohet për shkak të moshës dhe se duhet të kujdesëeet për motrën e sëmurë. Por kjo nuk e ka bindur gjyqtaren Ardiola Çela, e cila e ka lënë pas hekurave
Në videot që siguronin mijëra ndjekës dhe shikues në prani të të miturit, djalit të Armando Kumaraku dhe nipit të Natasha Rombula përdorej një gjuhë banale, me ofendime dhe etiketime ndaj nënës së të voglit. Kjo e fundit e identifikuar me iniciale E. A., ka kallëzuar penalisht ish-bashkëshortin dhe ish-vjehrrën e saj për rastin në dhjetor të vitit të kaluar. Ib
Prej 6-vjetësh konfliktet mes dy familjeve dhe denoncimet e ndërsjellta kanë qenë të shumta. Pas ndarjes së prindërve, djali dy herë në muaj shkon tek babai dhe gjyshja në Sarandë dhe gjithë muajin Gusht qëndron po atje, sipas Vendimit të Gjykatës së Beratit pas ndarjes së prindërve. Sipas burimeve policore, nëna çdo vit pas ardhjes së djalit nga pushimet e verës ka denoncuar faktin se djali kishte ndryshuar, përdorte fjalor agresiv me të dhe shokët dhe për këtë djali çdo vit është vlerësuar psikologjikisht nga psikologët.
