Ernest Muçi po shkëlqen me formën e tij në sezonin aktual te Trabzonspor, duke e bërë trajnerin Fetih Tekke të mendojë për blerjen e përhershme të kartonit të futbollistit shqiptar. Në 11 ndeshjet e zhvilluara, Muçi ka arritur të shënojë 3 gola dhe të fitojë një penallti, e kështu ka nxitur Tekke-n të kërkojë nga drejtuesit e klubit aktivizimin e opsionit për blerjen e tij.
Muçi u bashkua me Trabzonspor nga Besiktas me huazim për një shumë prej 1 milion eurosh, me vlerën e përgjithshme për blerjen përfundimtare që arrin në 8.5 milion euro. Opsioni për blerjen e kartonit të tij ka afat deri më 31 maj, dhe klubi duhet të paguajë këstin e parë prej 1.7 milion eurosh brenda një muaji.
Situata e Muçit duket premtuese, dhe sukseset e tij në fushën e lojës po përforcojnë dëshirën e Trabzonspor për të siguruar shërbimet e tij në mënyrë të përhershme.
