Një sherr ka nisur në një festival në Korydallos, Greqi, me protagonist nënkryetarin e bashkisë së qytetit. Sherri ka nisur mes disa personave që filluan t’i gjuanin njëri-tjetrit me sende të forta, ku i plagosur mbeti edhe nënkryetari i bashkisë.
Menjëherë në vendngjarje kanë mbërritur ambulanca dhe forca të shumta policie, pasi nënkryetari u plagos rëndë. Nga ana tjetër, një 16-vjeçar është goditur në fytyrë dhe një grua ka humbur ndjenjat nga tensioni pasi pa sherrin.
“Nuk e kam idenë se si dhe pse filloi sherri. Unë isha ulur në anën e kundërt dhe shkova të shikoja se çfarë po ndodhte. Ne ishim bashkë me persona të tjerë nga komuna dhe pamë që diçka po ndodhte, kështu që shkuam t’i ndajmë. Sapo na panë që po afroheshim, mua dhe nënkryetarin tjetër, filluan të na gjuanin me tavolina e karrige. Nuk mbaj mend as sa njerëz ishin”, tregon zoti Tsirakis, i shtruar në spital me lëndime në krahun e majtë dhe në shpinë.
Pritet ekzaminimi mjekësor, ndërsa deklaratat e marra nga nënkryetarët e bashkive do t’i dërgohen prokurorit. /Protothema.gr
