Për shkak të rregullave të reja doganore në Shtetet e Bashkuara, disa zyra postare evropiane kanë shpallur pezullimin e dërgesave të pakove drejt këtij vendi. Kompania postare franceze La Poste njoftoi se nuk do të pranojë dërgesa për në SHBA, përveç atyre që dërgohen përmes Chronopost dhe dhuratave midis individëve me vlerë nën 100 euro. Një zyrtar i La Poste tha se mungesa e informacionit nga autoritetet doganore amerikane i detyroi ata të pezullojnë dërgesat.
Edhe Deutsche Post, tashmë e njohur si DHL Group, kishte një njoftim të ngjashëm, duke kufizuar ndjeshëm dërgesat e pakove dhe produkteve në SHBA. Dërgesat standarde të pakove, që zakonisht përdoren nga individë dhe biznese të vogla, do të pezullohen përkohësisht. Vetëm dërgesat e deklaruara si dhurata me vlerë deri në 100 dollarë do të pranohen, ndërsa DHL do të zbatojë kontrolle për të parandaluar abuzimet.
Të tjera operatorë postarë evropianë, si BPost i Belgjikës dhe Correos i Spanjës, kanë vendosur gjithashtu kufizime të ngjashme. Kjo situatë mund të përhapet më gjerë, pasi PostEurop ka paralajmëruar për rrezikun e pezullimit të dërgesave të pakove në SHBA në të gjithë Evropën. Sipas PostEurop, rregulloret e reja amerikane, të cilat nuk janë në përputhje me normat globale të Unionit Postar Universal, do të kenë ndikim në operacionet postare botërore.
Nëse nuk gjendet një zgjidhje para datës 29 gusht 2025, operatorët evropianë mund të detyrohen të kufizojnë ndjeshëm dërgesat për në SHBA. Administrata e presidentit Trump njoftoi gjithashtu se do të përfundojë përjashtimin nga taksat për dërgesat nën 800 dollarë, duke futur një normë takse prej 15% për to, e cila është në përputhje me marrëveshjet tregtare të nënshkruara në fund të korrikut.
Kjo situatë paraqet sfida të mëdha për tregtinë ndërkombëtare dhe për konsumatorët që dërgojnë produkte për në SHBA, duke shkaktuar pasiguri dhe shqetësime në sektorin postarr.
