Të paktën një person raportohet se ka ndërruar jetë dhe 12 të tjerë kanë mbetur të plagosur, pas shembjes së një ure në Patra të Greqisë.
Gjashtë ambulanca kanë mbërritur në vendngjarje, ndërsa të plagosurit po transportohen në spitalet Agios Andreas dhe spitali i Rios. Dëshmitarët në vendngjarje kanë shprehur shqetësimin se numri i viktimave mund të rritet.
Pamjet nga vendngjarja janë tepër të rënda për shkak se familjarët e personave që zuri poshtë ura kanë nisur dëshpërimisht të kërkojnë në rrënoja për të afërmit e tyre.
Ura ishte ndërtuar në vitin 2021 dhe kishte kushtuar 6 milionë euro. Por sipas medieve greke, ura kishte probleme statike.
Një anëtar i komunitetit rom që ndodhej në vendngjarje tha se ka parë të paktën tre persona që janë bllokuar nën rrënoja.
