Bashkimi Europian ka pezulluar tarifat e vendosura ndaj Shteteve të Bashkuara, duke lënë vend për një akord të ri tregtar. Ky veprim, sipas Unionit, është një sinjal qetësimi, megjithëse ende nuk ka një përgjigje formale ndaj dokumentit të propozuar nga Brukseli për një deklaratë të përbashkët që do të sigurojë paqen tregtare mes dy palëve. Udhëzimet e Ursula von der Leyen janë të qarta: rritja e besimit tek SHBA dhe shmangia e provokimeve.
Komiteti për barrierat doganore do të ndalojë masat e reja që ishin vendosur përgjigje ndaj kërcënimeve të Shtëpisë së Bardhë. Sipas planit, tarifat për makinat evropiane do të ulen në 15% nga 27,5%, ndërsa për barnat gjithashtu. Avionët do të kenë tarifë zero. Negociatorët gjithashtu do të diskutojnë mbi taksat për pijet alkoolike dhe tarifat për çelikun e aluminin. Miratimi i vendimit të sotëm është i nevojshëm brenda dy javësh në formë të shkruar, por pezullimi ka një afat prej 6 muajsh, duke lejuar reagim të shpejtë në rast të ndonjë ndryshimi nga Uashingtoni.
Shtetet e Bashkuara duket se janë të vendosura për të përfunduar këtë çështje të tarifave sa më shpejt. Jamieson Greer, përfaqësuesi tregtar i SHBA-së, e cilëson raundin e tarifave si “praktikisht të përcaktuar”, duke sugjeruar se nuk pritet të ketë ndryshime të rëndësishme.
