Delegacionet nga SHBA dhe Rusia do të takohen të enjten, më 10 prill, në Stamboll. Këtë e tha zëdhënësja e Departamentit të Shtetit, Tammy Bruce, duke saktësuar se “lufta në Ukrainë nuk do të diskutohet”.
Shtetet e Bashkuara dhe Rusia do të zhvillojnë bisedime në Stamboll të enjten “për të rivendosur disa nga operacionet e tyre të ambasadave që u zvogëluan në mënyrë drastike pas pushtimit të Ukrainës nga Moska”.
“Nuk ka asnjë çështje politike apo sigurie në rendin e ditës dhe nuk ka absolutisht asnjë Ukrainë. Këto diskutime janë fokusuar ekskluzivisht në operacionet e ambasadave tona,”tha zëdhënësja e Departamentit të Shtetit Tammy Bruce.
