Gjykata e Beratit ka lënë në burg 11 të arrestuarit për serën me kanabis në Berat, që u zbulua dy ditë më parë.
Bëhet me dije se janë lënë në burg Jurgen Ujkaj, Bashkim Mema, Sidrit Bisha, Endrit Xheka, Edison Mema, Mirvaldo Disha, Hamdi Dyli, pronari që kishte lënë me qira serat, Blerim xheka dhe Samuel Lushaj.
Gjithashtu në burg janë lënë dhe dy prej grave që punonin në sera, nënë e bijë Drita e Izmira Mema.
Policia gjatë këtij operacioni gjeti në brendësi të serave dhe sekuestruan në cilësinë provës materiale, 700 arka të mbushura me bimë narkotike kanabis, në proces përpunimi dhe 8 thasë të mbushur me boçe kanabisi, me peshë totale rreth 870 kilogramë lëndë narkotike.
