Lajmi i pak ditëve më pare nga mediat argjentinase të cilat shprehen se Wanda Nara vuan me leucemi ka bërë bujë në të gjithë ambientin meditik sportive dhe jo vetëm. Për të ka reaguar edhe ish-bashkëshorti i saj, Maksi Lopez.
Ky i fundit duket se është nisur menjëherë në Argjentinë për t’i qëndruar pranë Wandës dhe fëmijëve që ata kanë së bashku.
Kjo u kuptua pas një postimi që ai bëri në “Threads”, ku sulmonte kompanitë e fluturimit: “Ata të vjedhin paratë për më shumë bileta dhe gjithmonë bëhen vonë. Nëse humbas fluturimin për të parë fëmijët e mi do t’i vë flakën Frankfurtit”, duke lënë të kuptohet që dëshiron të shkojë sa më shpejtë për në Argjentinë.
Raporti mes Wanda Narës dhe Maksi Lopez është zbutur shumë kohët e fundit, me ish-futbollistin që e ka mbështetur shumë shpesh së fundmi modelen.
