Autoriteti Kombëtar i Ushqimit në Shkodër ka bllokuar një sasi prej 7,196 kg djathë të bardhë lope. Ky vendim erdhi pas një kontrolli nga trupa inspektuese, e cila ka vendosur gjithashtu bllokimin e menjëhershëm të aktivitetit të subjektit, deri në përmbushjen e standardeve higjieno-sanitare.
Masa administrative e marrë ndaj subjektit përfshin një gjobë prej 300,000 lekësh për shkelje të kushteve të higjienës, në përputhje me Ligjin Nr. 9863 “Për ushqimin”, nenin 68, pikën 1, germa “h”. Po ashtu, është shqiptuar një gjobë tjetër prej 100,000 lekësh për shkelje të kërkesave të gjurmueshmërisë së produkteve.
Autoriteti thekson se kontrolllet do të vazhdojnë me intensitet për të garantuar sigurinë ushqimore dhe mbrojtjen e konsumatorëve. Këto veprime kanë si qëllim të sigurojnë standarde të larta për produket ushqimore dhe të kontribuojnë në mbrojtjen e shëndetit publik.
