Mbrëmjen e sotme një zjarr i madh ka shpërthyer në zonën e Tragjasit në Vlorë.
Menjëherë janë nisur forcat zjarrfikëse me mjetet e tyre, si dhe me forcat e rendit.
Era e fortë ka favorizuar që flakët të përhapen me shpejtësi.
Banorët e Tragjasit më herët janë përplasur me policinë pasi kundërshtojnë projektin e ujësjellësit, i cili parashikon marrjen e burimit të ujit të fshatit.
Që në orët e para të mëngjesit, forca të shumta policie, së bashku me punëtorët e firmës, kanë mbërritur në fshat për të nisur punimet. Banorët, të kapur të papërgatitur nga kjo situatë, kanë reaguar ashpër, duke u përplasur me autoritetet për të mbrojtur burimin e tyre të ujit.
Banoret e Tragjasit, radhimës dhe Orikumit kundërshtojnë projektin i cili synon të marrë ujë prej burimit të Izvorit për të furnizuar me ujë Dhërmiun, Palasën, Jalën etj.
