Ish-deputeti i Partisë Demokratike, Ervin Salianji, është shfaqur në një takim me qytetarë të Tiranës, ku dhe ka kërkuar mbështetjen e plotë ndaj kandidatit të pavarur për Bashkinë e Tiranës, Florian Binaj.
Salianji shkruan në postimin e tij se Florjan Binaj është njeriu, i cili pasi u ka sjellë buzëqeshje për vite njerëzve, sot ka vendosur t’u rikthejë qytetarëve të kryeqytetit shpresën për një Tiranë më njerëzore e të ndershme.
Postimi i Ervin Salianjit
Në Njësinë 6, kafe e bisedë me drejtues të Partisë Demokratike, njerëz të ndershëm, qëndrestarë e të fisëm, që duan e punojnë për ndryshim!
Në mbështetje të Florian Binaj, që për vite me radhë ka sjellë buzëqeshje e sot shpresë për qytetarët e Tiranës, artist që sot përfaqëson guximin për t’u përballur e për të kërkuar një Tiranë më të drejtë, më njerëzore e më të ndershme.
Shqipëria e Tirana kanë nevojë për njerëz të lirë, me shpirt e integritet.
