Arratia mori fund shumë shpejt. 25-vjeçari Fabian Goxhaj është vënë në prangat e policisë pasi vodhi makinën “Range Rover” të një qytetareje në lagjen “10 Korriku” të Vlorës.
Policia njofton se pas vjedhjes së makinës mbrëmjen e kaluar i riu është larguar me shpejtësi në dalje të qytetit.
Shërbimet e Policisë janë vënë menjëherë në ndjekje të 25-vjeçarit dhe pas disa minutash, në autostradën Vlorë-Fier, kanë bërë të mundur kapjen e tij.
Ngjarja ka ndodhur në zonën e Lungomares Vlorë, ku një grua e ka lënë makinën e saj “Range Rover” të ndezur dhe me bllokazh për të shkuar në market.
Ajo është kthyer për pak minuta, por nuk e ka gjetur më mjetin. Hajduti tre ditë më parë ishte shoqëruar për një ngjarje në polici.
