Legjenda e njohur e Bayern dhe aktualisht CEO i klubit, Karl-Heinz Rummenigge dha mendimin e tij para ndeshjes gjysmëfinale të Champions ndaj Realit.
Rummenigge është optimist se gjermanët mund të arrijnë finalen pavarësisht se përballë kanë një ekip një përvojë tepër të madhe në këtë kompeticion.
“Të dy skuadrat bënë një ndeshje të madhe. Do të kishte shijuar më shumë nëse do të kishim fituar (Bajerni) 2-1, por nuk duhet të harrojmë se Reali luajti mirë dhe e meritoi barazimin.” tha ai fillimisht.
Ndeshja e kthimit ndaj Real Madrid- E di se çfarë na pret, sepse e kam përjetuar shumë herë, si kur luaja vetë futboll, ashtu edhe gjatë kohës sime në bordin drejtues të Bajernit. Të mbijetosh në “Bernabéu” është e ndërlikuar, por është e mundur. Leipzig na tregoi atë në 1/8 e finaleve se Reali mund të vihet në vështirësi edhe në shtëpinë e tij. Edhe miku im Guardiola gjithashtu dëshmoi së fundmi se mund t’i shkaktoni probleme Madridit në “Bernabeu”. Ajo që na ndihmon është se golat e shënuar jashtë fushe nuk kanë më vlerë, ndaj fillojmë sërish me 0-0.
Pavarësisht se nuk bëmë një kampionat të mirë, skuadra ka treguar që në Champions di të tregojë vlerat e saj dhe tashmë synojmë finalen.
Në Spanjë mendojnë se pas eliminimit të Mançester Sitit, Reali e ka shtruar rrugën drejt Champions-it numër 15…
Me gjithë respektin, Bajern-Madrid është klasikja e futbollit evropian. Dhe nuk e them unë, e thotë historia. Jemi përballur gjithsej 27 herë në kompeticionin më të rëndësishëm në Europë në nivel klubesh. Kjo ishte pikërisht ajo që donte miku im Florentino Pérez, apo jo?
Ne kemi një problem të përbashkët, por zgjidhje të ndryshme. Ne jetojmë në një botë në të cilën ka gjithnjë e më shumë klube në duart e investitorëve. Dhe kini kujdes, nuk po flasim më për miliarderë, por për miliarderë të cilët Premier Liga vazhdon t’i presë krahëhapur. Pastaj janë të ardhurat nga të drejtat televizive në Angli. Ato janë pafundësisht më të larta se në Spanjë apo Gjermani. Për klube si Reali apo Bajerni, ky është një problem i madh për faktin e thjeshtë se ne nuk e nisim në kushte të barabarta me anglezët. Dhe jam i bindur se këtu qëndron problemi i Florentinos.
Si ju duket Bellingami?
Reali i Madridit duhet përgëzuar për nënshkrimin e tij. Di të bëjë gjithçka ai djalë, shënon, asiston, vrapon, lufton, rikuperon topa… Ai bën gjithçka mirë. Ai e mori vendimin në favor të Madridit shumë shpejt dhe mund të them vetëm se Dortmundi u gëzua shumë kur e kuptuan që Bajerni nuk kishte më mundësi të përfshihej.
Çfarë ju shkoi në mendje kur patë atë top nga Kros te Vinicius?
E vërteta është se më trembi pak që ai mundi ta filtronte nga ajo distancë, duke nxjerrë jashtë loje të gjithë mbrojtjen tonë.
