Nga: No.Lo
As në ëndrrat më të guximshme, Dik Daci nuk do të kish mundur ta fantazonte (si njeri me dell), se do të vinte një ditë dhe do të bëhej Drejtor i rëndësishëm në RTSH. Në atë ekran, që e shihnin fshatçe në vogëli, në lartësitë e Peshkopisë.
Por mrekullitë ndodhkan. Sot Dik Daci (jo Sadik) është drejtor i Prodhimit në RTSH. Meritat e tij i njeh vetëm kreu i dikëzimit të këtij Institucioni, Alfred Peza. Sepse Diku nuk kaloi asnjë konkurs për të qenë më parë shefi i shoferave në RTSH, para se të merrte postin e rëndësishëm të Drejtorit të Prodhimit.
Edhe këtu për kriter i shërbyen barcaletat e ngritura për të nga shoferët, që gjetën dhe një objektiv për të thyer “burgosjen” në oborrin e bredshëm. Sepse për te dalë jashtë për ajrosje të gjithë punonjësit, përfshi edhe gazetarët, duhet te shkruajnë emrin te dezhurni, ca gra te hutuara nga presioni i juntës kapterriane që në çdo moment i detyrojnë njerezit të nënshkruajnë burgosjen e tyre, kur shkruajnë orën e daljes, arsyen dhe kthimin në ca letra katrahurë, si të jenë në burgun e Peqinit.
Problemi nuk është Diku i vogël në fakt. Se thonë që ai është vendosur aty për humor në një kohë të dikëzuar. Problemi është Diku i madh, Alfred Peza, që guxon të vendosë në një vend kyç të RTSH, njerëz që rastësisht i bie rruga andej. Në fakt këtë e ka bërë gjithë këto kohë, me emerime e komandime, krejt pa kritere në poste kyçe. Ai është arkitekti kryesor i dikëzimit të RTSH.
E pastaj, nën shembullin e Dikut të Madh, dikëzimi vazhdon më poshtë. Ka filluar punë dhe vëllai i Dikut. Madje thonë se të dy vijnë nga Paskuqani me një makinë të RTSH.
Nga ana tjetër dikëzimi vijon dhe në proceset e tjera të punës, çka ka detyruar dorëheqjen e profesionistëve dhe më keq akoma, edhe të 6 drejtorëve, që i solli vetë Diku i Madh, Peza. Në një moment ata shkundën kryet dhe e kuptuan që po dikëzoheshin papritur.
Aq e rëndë është gjendja, saqë edhe një Drejtor i ri Juridik, që tentoi të zëvendësojë Enkelejd Lamajn e dorëhequr, iku me vrap nga kish ardhur, vetëm dy ditë pasi kish hyrë në zyrë.
RTSH po jeton në kohën e Dikut.
Pas vitesh, padyshim që kjo do përbëjë një material të tmerrshëm për të qeshur, por për momentin është fakt. Presione alla kapanon, mungesë totale profesionalizmi, delire fshatareske dhe mohim i vlerave të vërteta.
RTSH po dikëzohet! Shpëtojeni!
