Opinion nga Timoni.al
Fjalimi i Edi Ramës para deputetëve të Partisë Socialiste ishte një tjetër përpjekje për të mbrojtur të pambrojtshmen: korrupsionin, keqqeverisjen dhe degradimin e institucioneve publike nën drejtimin e tij. Në vend që të mbante përgjegjësi, kryeministri zgjodhi të relativizojë dhe justifikojë dështimet, përfshirë edhe shkatërrimin e Radio Televizionit Shqiptar – institucionit që ai vetë e ka kthyer në një karikaturë të misionit të tij publik.
RTSH-ja, që duhet të ishte media kombëtare në shërbim të qytetarëve, u shndërrua në një strehë qokash, militantësh dhe individësh të katapultuar nga mediat private apo nga rrethi politik i Rilindjes. Emra si Thoma Gëllçi, Enkel Joti dhe Alfred Peza nuk përfaqësojnë reformë, por degradim institucional. Nën drejtimin e tyre, RTSH-ja u përdor për interesa personale, për klientelizëm dhe, sipas akuzave publike, për abuzime financiare që e zhytën institucionin në borxhe dhe kaos.
Alfred Peza e la RTSH-në peng në banka, ndërsa Enkel Joti u akuzua për një administrim të shfrenuar, ku çdo gjë trajtohej si pronë private. Po ashtu, ish-zëvendësdrejtoresha Aurora Polo, brenda një viti, e thelloi krizën financiare duke miratuar dhjetëra projekte fiktive, duke e fundosur më tej institucionin. Ndërkohë, në RTSH u krijua një realitet absurd, ku dashnoret e Drejtorave u ben shefe ku militantet u ben Drejtora ndërsa profesionistët e vërtetë përjashtoheshin
E gjithë kjo nuk është rastësi. Është pasojë direkte e mënyrës së qeverisjes së Edi Ramës, ku institucionet publike trajtohen si plaçkë partie dhe jo si pasuri e qytetarëve. Për Ramën, RTSH-ja nuk është një institucion kombëtar, por thjesht një godinë që mund të shembet për t’u kthyer në kulla betoni në shërbim të oligarkëve të lidhur me pushtetin.
Gjatë qeverisjes së tij, Rama ka “prodhuar” dhjetëra figura si Belinda Balluku dhe shumë të tjerë, që simbolizojnë arrogancën, papërgjegjshmërinë dhe abuzimin me pushtetin. Tre ish-drejtorë të RTSH-së janë dëshmi e qartë e dështimit total të çdo pretendimi për reformë në media.
Pyetja që mbetet është e thjeshtë: kur do të ketë drejtësi për ata që e shkatërruan RTSH-në? Kur të ndodhë kjo, atëherë Edi Rama mund të flasë për reformë në media dhe të thërrasë “Irisin” e tij. Deri atëherë, çdo fjalim i tij mbetet thjesht një përpjekje për të mbuluar rrënojat e një institucioni që u sakrifikua për pushtetin dhe interesat personale.Edi Rama rtsh-ne nuk mund ta besh si Akshi Rtsh-ja nuk eshte pron e Olsit dhe e Belinda Ballukut
