Presidenti amerikan Donald Trump ka deklaruar se Shtetet e Bashkuara do të përfitojnë financiarisht nga rritja e çmimeve globale të naftës. Në një postim në platformën e tij Truth Social, ai theksoi se SHBA është prodhuesi më i madh i naftës në botë, çka e bën vendin të përfitojë direkt nga rritja e çmimeve në tregjet ndërkombëtare.
“SHBA është prodhuesi më i madh i naftës në botë, deri tani, kështu që kur çmimet e naftës rriten, ne fitojmë shumë para,” shkroi Trump. Ai gjithashtu theksoi se, megjithatë, prioriteti i tij kryesor është ndalimi i Iranit nga sigurimi i armëve bërthamore. Sipas tij, një situatë e tillë do të rrezikonte stabilitetin në Lindjen e Mesme dhe në të gjithë botën.
“Si President, interesi im më i madh është të ndaloj një perandori të ligë si Irani që të ketë armë bërthamore dhe të shkatërrojë Lindjen e Mesme dhe botën. Nuk do ta lejoj kurrë që kjo të ndodhë,” ka theksuar ai.
