Numri i të vdekurve është rritur në të paktën 87 persona pas sulmit vetëvrasës në një xhami, i cili kishte në shënjestër policët në provincën pakistaneze të Peshawarit. Xhamia është brenda një zonë të selisë së policisë së sigurisë së lartë dhe po hetohet për mënyrën se si sulmuesi hyri brenda.
Kryeministri i Pakistanit dhe liderë të tjerë e kanë dënuar sulmin duke e cilësuar si një nga më të këqijtë në vend në vitet e fundit. Talebanët pakistanezë kanë mohuar përfshirjen.
“Terroristët duan të krijojnë frikë duke vënë në shënjestër ata që kryejnë detyrën e mbrojtjes së Pakistanit”, tha kryeministri.
Ai shpalli ditë zie kombëtare. Ekipet e kërkim shpëtimit janë ende duke u përpjekur për të gjetur persona të tjerë nën rrënoja. Një zëdhënës i spitalit konfirmoi se më shumë se 100 mbetën të plagosur. Midis 300 dhe 400 oficerë policie kishin qenë në zonë në atë kohë në kohën e sulmit.
Xhamia është në një nga zonat më të kontrolluara të qytetit, e cila përfshin selinë e policisë dhe zyrat e inteligjencës dhe kundër terrorizmit. Sharif tha se ata që qëndronin pas sulmit nuk kishin “asnjë lidhje me Islamin”.
Talibanët pakistanezë – një grup i ndarë nga qeveria talebane e Afganistanit – i dhanë fund armëpushimit në nëntor dhe dhuna ka qenë në rritje në vend që atëherë. Në dhjetor ai synoi një stacion policie – si Peshaëar, në veriperëndim të vendit – duke çuar në vdekjen e 33 militantëve.
