Në një veprim që ka shkaktuar tensione të reja mes Gjermanisë dhe Turqisë, qeveria gjermane ka vendosur të bllokojë shitjen e avionëve luftarakë Eurofighter Typhoon. Ky vendim vjen si përgjigje ndaj situatës së rënduar politike në Turqi, veçanërisht për shkak të burgosjes së kryebashkiakut të Stambollit, Ekrem Imamoglu, një nga kritikët më të njohur të presidentit turk, Recep Tayyip Erdogan.
Raportet nga gazetat gjermane, përfshirë Handelsblatt, theksojnë se qeveria në largim e udhëhequr nga socialdemokratët dhe të gjelbrit e ka vendosur veton ndaj kërkesës së Ankarasë për blerjen e avionëve si një akt solidariteti ndaj demokracisë turke, e cila është e kërcënuar sipas Berlinin. Dënimi i Imamoglu-s me akuza për korrupsion është parë nga opozita si një maniobër politike, duke e forcuar qëndrimin kritik të Gjermanisë ndaj Turqisë.
Shitja e Eurofighter-ave kishte qenë një nga pikat kryesore të bisedimeve të mëparshme mes kancelarit gjerman Olaf Scholz dhe presidentit Erdogan. Megjithatë, zhvillimet e fundit duket se kanë bllokuar të gjitha përpjekjet për avancim në këtë marrëveshje.
Ndërkohë, vendimi i Gjermanisë ka shkaktuar ndasi të brendshme në politikën gjermane, pasi Partia CDU e Friedrich Merz-it është shprehur në mbështetje të eksportit të avionëve, duke theksuar rëndësinë e kësaj marrëveshjeje për industrinë e mbrojtjes europiane dhe për interesat strategjike të vendeve që bashkëprodhrojnë avionët.
Kjo situatë për Turqinë është një goditje e rëndë, sidomos në momentin që ajo po përpiqet të modernizojë Forcën e saj Ajrore pas përjashtimit nga programi amerikan F-35, për shkak të blerjes së sistemit S-400 nga Rusia. Në përpjekje për të kompensuar humbjen e teknologjisë amerikane, Ankaraja ka tentuar të negocionte blerjen e Eurofighter-ave si zgjidhje alternative.
Përveç kësaj, Turqia po intensifikon zhvillimin e avionit të saj kombëtar, Kaan, por analistët vlerësojnë se do të duhen disa vite për të arritur kapacitetet teknologjike të një Eurofighteri. Bllokimi i eksportit nga Gjermania mund të detyrojë Turqinë të eksplorojë alternativa të tjera, përfshirë mundësitë me teknologjinë koreano-jugore dhe bashkëpunimet me Kinën.
Ky zhvillim rrezikon të komplikohet marrëdhëniet tashmë të brishta mes Turqisë dhe Bashkimit Evropian dhe të rritisë tensionet brenda NATO-s, ku Turqia është një aleat kyç në krahun juglindor të aleancës. Cështja e furnizimit me armë dhe teknologji ushtarake do të vazhdojë të mbetet në qendër të vëmendjes në marrëdhëniet mes këtyre dy vendeve.
