Rruga që lidh lagjet Manalat i Parë dhe Manalat i Dytë në Gjirokastër është bllokuar për shkak të një rrëshqitjeje të madhe dheu, duke ndikuar negativisht në jetën e përditshme të dhjetëra e qindra banorëve. Rreth 12 mijë banorë janë prekur drejtpërdrejt nga kjo situatë, pasi masivi i dheut ka zënë rrugën kryesore, duke e bërë të pamundur kalimin normal të mjeteve dhe kufizuar aksesin në shërbime.
Banorët janë të detyruar të eci në këmbë përmes shtigjeve të improvizuara, në kushte të vështira dhe të rrezikshme. Situata është veçanërisht e vështirë për 170 fëmijë që ndjekin shkollën “Naim Frashëri”. Edhe pse vazhdojnë të shkojnë në mësim, ata përballen çdo ditë me rrugë të dëmtuara dhe terrene të pafavorshme, duke rrezikuar sigurinë e tyre.
Banorët po kërkojnë një ndërhyrje të menjëhershme për pastrimin e masivit të dherave dhe rehabilitimin e rrugës. Ndërkohë, Bashkia e Gjirokastrës po pret një raport nga Shërbimi Gjeologjik, i cili ka kryer studime në këtë zonë dhe në disa pika të tjera të qytetit, ku janë evidentuar gjithashtu rrëshqitje të mëdha të dheut. Situata e krijuar kërkon një vëmendje të menjëhershme për të siguruar mbrojtjen e jetës dhe pasurisë së banorëve.
