Bashkitë e qarkut Gjirokastër vazhdojnë të punojnë për përballimin e pasojave të reshjeve të fundit të shiut, duke u fokusuar në pastrimin e rrugëve dhe vlerësimin e dëmeve. Në Bashkinë Gjirokastër, operacionet kryesore po përqendrohen në njësinë administrative Qytet, sidomos në lagjet “Granicë” dhe “Zinxhira”, si dhe në zonën pas Kalasë dhe “Pazar i Vjetër”, ku ka pasur rrëshqitje dherash. Pas një raporti nga gjeologët, do të ndërhyhet për largimin e dherave.
Në njësinë administrative Lunxhëri, forcat bashkiake, në bashkëpunim me Forcat e Armatosura, po pastrojnë aksin rrugor në fshatin Dhoksat. Ndërkohë, në Bashkinë Libohovë, rrugët që çojnë në fshatrat Zhej, Lliar dhe Topovë janë të bllokuara për shkak të rrëshqitjeve të dherave, dhe ndërhyrjet varen nga vlerësimet e gjeologëve për shkak të paqëndrueshmërisë së formacioneve.
Bashkia Memaliaj përballet po ashtu me bllokime në rrugët e brendshme, me pritet vlerësimi i specialistëve për ndërhyrje. Në Dropull, urat e Glinës kanë pësuar dëmtime pas reshjeve, ndërsa në Bashkinë Përmet, qarkullimi në segmentin Përmet–Dogana e Tre Urave është i mundur me kalim të reduktuar.
Gjatë këtij procesi, pritet një vlerësim i gjeologëve për ndihmën në lagjen “Sede” dhe në fshatrat Bual, Hotovë, Mokricë dhe Kosovë. Bashkia Këlcyrë raporton rikthim në normalitet për infrastrukturën e saj dhe ka përfunduar pastrimin e inerteve.
Në Tepelenë, aksi rrugor Subash–Hormovë ka vështirësi për mjete të rënda dhe pritet ndërhyrje sapo ulen niveli i ujit. OSHEE njofton se qarko furnizohet normalisht me energji elektrike dhe lumenjtë Vjosë dhe Drino janë në kuota normale.
Kjo situatë është rezultat i punës intensive që po bëjnë bashkitë për të rikthyer normalitetin në zonat e prekura dhe për të minimizuar dëmet e shkaktuara nga reshjet.
