DURRËS– Disa ditë më parë një nënë denoncoi pak ditë më parë humbjen e djalit të saj 3-vjeçar, ku bëri përgjegjës dy prindërit e bashkëshortit të ndjerë. Ajo tha se ia kanë marrë djalin dhe nuk ia kanë kthyer më në shtëpi. Deri tani gjyshi i të miturit, Rexhep Guni, 58 vjeç është arrestuar dhe gjithashtu është vënë në pranga edhe vëllai i tij, 49-vjeçar.
58-vjeçari ka pretenduar se fëmija ka shkuar tek të afërmit në Kukës, por nuk gjendet as atje në adresën e dhënë. Ndërkohë në kërkim është shpallur gjyshja e fëmijës 3-vjeçar së bashku me vëllain e saj. Sipas burimeve në polici, ka dyshime se fëmija mund të jetë marrë dhe larguar jashtë shtetit. Ndërkohë është dhënë sinjal të ruhen pikat kufitare.
Xhaxhai i të miturit ka thënë për emisionin “Me Zemër të Hapur”, tha se gjyshja e ka marrë nipin e saj sepse e do shumë dhe jo për qëllime të tjera.
“Bahrien për herë të fundit e kam takuar ka një muaj e pak kohë. Lajmin e kemi dëgjuar nga mediat. Nuk është lajm i mirë aspak. Nuk kam koment. Mërzia e humbjes së djalit normalisht ndihet tek çdo prind. Ngaqë humbi djalin, nipi e zëvendëson atë, por nuk ka shanse që të ketë rrezikshmëri. Kjo nuk është rruga e duhur, por ajo e ka marrë sepse e do shumë dhe jo për qëllime të tjera.”, ka thënë xhaxhai.
