TIRANË- Në Apelin e Gjykatës së Posaçme po mbahet seanca për kopshtarin e “Golden Restort”, Festim Bexhdillin, i pandëhur në dosjen hetimore për rrëmbmin dhe vrasjen e Jani Prengës. Prokurorët e SPAK, Behar Dibra dhe Elida Kaçkini janë përplasur në seancë lidhur me rolin që ka pasur Bexhdilli në vrasjen e Prengës.
Raportohet se Kaçkini kërkoi të mbetet në fuqi burgimi i përjetshëm për kopshtarin dhe është shprehur se ai ka qenë pjesë e grupit të strukturuar kriminal dhe ka njohje me personat e tjerë të akuzuar për ngjarjen. Nga ana tjetër prokurori Dibra kërkoi dënimin me 20 vite burg për Bexhdillin dhe tha se ai është gjetur në atë situatë pasi është punonjës i kompleksit dhe është urdhëruar për fshehjen e kufomës. Trupa gjykuese u tërhoq për vendimin që do ta shpallë në 25 korrik, për shkak të kmpleksitetit që ka dosja.
Vrasja e Prengës erdhi pas vjedhjes së 260 kg kokainë nga vëllai i viktimës në Portin e Portsmuthit. Kokaina u vodh nga Astrit Prenga, Gëzim Shullani, Xhuliano nga Shkodra dhe një rumun. Pronarët morën hakun në Shqipëri! Fillimisht u vu në pranga tetë persona, kryesisht anëtarë të familjes Hajri, por ata u liruan një e nga një. Për gjykim janë dërguar: Dritan Rexhepi, Gentjan Funiqi, Martin Bleta e Korado Kështeja. Gjithashtu të pandehur janë marrë Artan Doçaj, Aldo Majnishta dhe Geraldo Martini, SPAK pretendon se Dritan Rexhepi dhe Gentjan Funiqi (Doçaj) kanë urdhëruar rrëmbimin, ndërsa organizimi është kryer nga të pandehurit Martin Bleta e Korado Keshteja. Rrëmbimi është bërë në Shqipëri në datën 17.01.2020, nga të pandehurit Artan Doçaj, Aldo Majnishta, Geraldo Martini dhe një person tjetër i paidentifikuar.
