Pas dy muajsh takimesh, duket se romanca midis Katy Perry dhe Justin Trudeau vazhdon, megjithëse me një profil të ulët. Të dy u panë së fundmi në një darkë në Montreal, dhe më pas Trudeau u bashkua me turneun e Katy Perry-t në Kanada. Sidoqoftë, raportet e fundit sugjerojnë se komunikimi i tyre ka pësuar rënie, duke ngritur pikëpyetje rreth vazhdimësisë së marrëdhënies.
Një burim nga rrethi i tyre bëri të ditur për US Weekly se ata ende po dalin, por kanë zgjedhur të mbajnë një farë privatësie. “Ata kanë vendosur të jenë më privatë për marrëdhënien e tyre,” tha burimi, duke shtuar se ndonëse komunikimi është reduktuar, interesi mes tyre vazhdon të jetë i fortë. Megjithatë, marrëdhënia nuk është shumë serioze për momentin, sidomos për shkak të angazhimeve të Katy-s me turneun “Lifetimes Tour”.
Katy ka një jetë shumë të zënë dhe burimi përmendi se Trudeau planifikon ta takojë atë kur të ketë më shumë kohë, pas turneut të tij në Brazil. Katy sapo është ndarë nga ish-partneri i saj, Orlando Bloom, me të cilin ka një vajzë pesëvjeçare, Daisy. Ndërkohë, Bloom ka shprehur se ndarja ishte për të mirën e vajzës dhe se ata do të vazhdojnë të përqendrohen në bashkë-prindërimin.
Trudeau gjithashtu po kalon një periudhë ndryshimesh, pasi njoftoi ndarjen nga bashkëshortja e tij, Sophie Grégoire Trudeau, pas 18 vitesh martesë. Ata kanë tre fëmijë dhe po përpiqen të mbajnë një marrëdhënie të shëndetshme për të mirën e tyre.
Kjo situatë e natyrshme midis këngëtares dhe politikanit nxjerr në pah sfidat dhe ndjesitë që mund të përjetoj një çift i ri, sidomos pas ndarjeve të tyra të mëparshme. Me angazhimet e tyre profesionale dhe përkushtimin ndaj fëmijëve, Katy dhe Justin duket të jenë në një moment të ndjeshëm të marrëdhënies së tyre, duke u shfaqur si një çift ambicioz dhe të menduar për të ardhmen.
