Andy Robertson ka njoftuar se do të largohet nga Liverpool në fund të sezonit, duke pasuar Mohamed Salah, i cili kishte bërë një deklaratë të ngjashme më parë. Në postimin e tij, Robertson shprehu mirënjohjen për Liverpoolin dhe tifozët, duke thënë se nuk ka pendesa për kohën e kaluar në klub. Liverpool e nderoi atë duke e quajtur “Legjendë”.
I lindur në 1994, skocezi ka zhvilluar 31 ndeshje këtë sezon dhe ka arritur të fitojë 2 tituj të Premier League, 1 Ligë Kampionesh, 1 Superkupë Evropiane dhe 1 Botëror Klubesh. Ai është një lojtar me parametra zero, i lakmuar nga shumë klube, përfshirë Tottenham në Angli, Celtic dhe Rangers në Skoci, si dhe Milanin në Itali.
Robertson ka eksperiencë të madhe dhe është një mbrojtës tipik krahu, i cili mund të përshtatet në skemën 4-3-3 të trajnerit Allegri. Ardhja e tij te Milani do të ndihmonte gjithashtu zhvillimin e Bartesaghi, një lojtar të ri që do të kishte mundësinë të mësonte nga një nga mbrojtësit më të mirë në rolin e tij. Paga e tij te Liverpool është pak më shumë se 5.5 milionë euro, një shumë që Milani mund ta negocionte.
Megjithatë, aktualisht Tottenham është në avantazh për të siguruar shërbimet e tij. Milani po monitoron situatën dhe nëse Tottenham bie në Championship, skuadra kuqezi do të ishte gati të vepronte për të marrë Robertson.
