Kupa e ardhshme e Botës për Klube (14 qershor – 13 korrik në Shtetet e Bashkuara) do të jetë laboratori për një test të ri në arbitrimin global: gjyqtarët do të pajisen me kamera trupi, nga njëra anë, si dhe do të zbatojnë një rregull të ri, për të luftuar humbjen e kohës nga portierët, njoftoi FIFA të martën.
Gjyqtarët krysorë do të mbajnë “kamera trupore si pjesë e një faze eksperimentale, testet janë miratuar nga IFAB – organi brenda FIFA-s që përcakton dhe zhvillon rregullat e lojës”,– shpjegoi Federata Ndërkombëtare e Futbollit në një deklaratë.
Kryetari i Komitetit të Arbitrave të FIFA-s, italiani Pierluigi Collina, shpjegoi këtë zgjedhje: “Ne besojmë se kjo është një mundësi e mirë për t’u ofruar shikuesve një përvojë të re, falë imazheve të marra nga një këndvështrim që nuk është ofruar kurrë më parë.”
Ndërsa ai argumenton se ofron një perspektivë më të mirë për shikuesit, lëvizja do të ndihmonte gjithashtu për të kuptuar më mirë vendimet e gjyqtarëve,” sepse është e rëndësishme që të jeni në gjendje të vendosni veten në vendin e gjyqtarit gjatë debrifingut, në mënyrë që të vlerësoni se si gjyqtari i mori vendimet e tij, këndvështrimin e tij, etj.”
Përveç kësaj, meshkujt me të zeza do të zbatojnë gjatë garës rregullin e ri të miratuar më 1 mars nga IFAB, që synon të reduktojë humbjet në kohë të shkaktuara nga portierët.
Nëse ata e mbajnë topin në duar për më shumë se tetë sekonda, gjyqtari do të fishkëllojë për një goditje këndi. Më parë, një goditje e lirë indirekte mund të jepej pas gjashtë sekondash.
