Shqipëria do të përballet me Poloninë në gjysmëfinalen e play off-it për Botërorin 2026. Ndeshja do të zhvillohet në Varshavë më 26 mars, ku ekipi kuqezi do të kërkojë të regjistrojë një moment historik.
Historiku i përballjeve direkte mes dy ekipeve tregon një përparësi të Polonisë, me Shqipërinë e cila ka arritur të fitojë vetëm dy herë, ndërsa ka tre barazime dhe ka pësuar 10 disfata. Megjithatë, ndeshja e fundit mes tyre, e zhvilluar dy vjet më parë në “Arenën Kombëtare”, përfundoi me një fitore 2-0 për Shqipërinë, falë golave të Asanit dhe Dakut. Ky triumf ishte një hap i madh drejt kualifikimit në Euro 2024.
Nëse Shqipëria arrin të kalojë këtë raund, do të përballet në finale me fituesin e ndeshjes tjetër mes Ukrainës dhe Suedisë. Ky është një moment i rëndësishëm për skuadrën shqiptare, e cila ka ambita të larta për të shkruar histori në kompetita ndërkombëtare.
