Genard Hajdini dhe motra e tij, Sonida, janë marrë nga shërbimi social dhe po trajtohen në Qendrën e Shëndetit Mendor pranë QSUT. Kjo është hera e dytë brenda disa javësh që ata shtrohen për trajtim në psikiatri, pas shfaqjes së sjelljeve shqetësuese në rrjetet sociale.
Një ditë më parë, Genardi, i njohur për ndjekjen e madhe në rrjete sociale, ndau një video të motrës së tij të zhveshur gjatë qëndrimit në shtëpi. Sot, ai reagoi në një transmetim “live” nga spitali psikiatrik përmes TikTok, duke konfirmuar se ata ndodhen atje për trajtim. Në mesazhin e tij, ai përshkruan situatën duke thënë: “Shiko ku jam te psikiatria, na futën prapë edhe mua edhe Sonidën. Futën Sonidën më tepër të kuronin atë, por më thanë të kujtojmë edhe ty”.
Genardi duket i shqetësuar për gjendjen e tij, duke shtuar me ironi se është më i rregullt se disa të tjerë që ndjekin “Instagramin”. Ai thekson se është thirrur nga shteti për këtë trajtim dhe shprehet në një ton të réndësishëm për frekuentimin e shpeshtë në psikiatri, duke goditur ironikisht sistemin, duke u shprehur se ata po shkojnë në psikiatri si nga Tirana në Durrës ç’dy-tre javë.
Situata e Genard Hajdinit, që ndodhet e ekspozuar në rrjetet sociale, pasqyron mënyrën se si individë me probleme mendore dhe sjellje të çuditshme po marrin vëmendjen e publikut dhe si shërbimi social po merret me ta. Kjo situatë sjell në pah sfidat e shëndetit mendor dhe nevojën për mbështetje të vazhdueshme nga institucionet.
