TIRANË- Procesi i rinumërimit të votave për qarkun e Tiranës ka hyrë në ditën e nëntë. Nga 1207 kuti që janë gjithsej për këtë qark vetëm 40 kuti kanë mbetur pa numëruar deri më tani. Nga rinumërimi dy partitë kryesore në vend, kanë marrë më shumë vota në numërimin fillestar krahasuar me rinumërimin. Bëhet e ditur se Partisë Demokratike do t’i hiqen 598 vota ndërsa Partisë Socialiste do t’i hiqen 381 vota.
Gjithashtu Partitë politike kanë pasur debate me përfaqësuesit e KAS, në lidhje me votat, pasi qytetarët nuk kanë vendosur kryqin brenda kutisë përbri emrit, por jashtë saj. Këto vota janë cilësuar të pavlefshme nga KAS, por kundërshtohet nga partitë politike pasi sipas tyre vullneti i qytetarëve është shprehur.
