Meteorologu Hakil Osmani ka bërë parashikimin e motit për fundjavën, e cila do të sjellë kalim vranësirash dhe reshje shiu, të cilat do të prekin pjesërisht dhe Tiranën.
Hakil Osmani: “Dita e premte (sot) kemi një rritje të lehtë të temperaturave të ajrit, duke bërë që maksimumet në rang territori të jenë 42 gradë celcius. Temperaturat më të larta do të regjistrohen në Elbasan, Berat dhe Gjirokastër. Tirana do të jetë në vlerat 40-41 gradë, gjithashtu edhe qyteti i Shkodrës.
Në fundjavë do të kemi sërish temperatura 39-40 gradë celcius në rang territori. Zona më e freskët mbetet juglindja, qarku i Korçës. Sa i përket kushteve atmosferike, që në orët e mesditës vranësirat do të pësojnë zhvillime të përkohshme, duke bërë që në zonat lindore, përfshirë pjesërisht edhe qytetin e Tiranës të kemi reshje shiu. Edhe dita e shtunë pritet të ketë këto rebeshe afatshkurtra shiu në të gjithe territorin”
