TIRANË- Ish-deputeti, Ervin Salianji ka reaguar sërish nga qelia në lidhje me aksionin opozitar të zhvilluar gjatë seancës plenare në Kuvend. Salianji përmes një postimi në llogarinë e tij në “Facebook” ka ndarë një video nga momenti ku digjen karriget dhe nga fjala e deputetëve të PD-së.
Salianji gjatë reagimit të tij u shpreh se mbështet plotësisht formën e protestës që kolegët e tij të Grupit Parlamentar të PD ndoqën sot në Kuvend. Ai më tej shkruan se Edi Rama i ka hapur luftë opozitës me burgosje politike ndërsa theksoi se përgjigjen do të marrë nga shqiptarët.
“Mbështes plotësisht çdo formë proteste të kolegëve të grupit parlamentar. Edi Rama i ka hapur luftë opozitës me burgosje politike! Përgjigjen do ta marr nga shqiptarët”, shkruan Salianji.
