Ku shkojnë lekët e taksapagusëve? Si harxhohet tarifa që RTSH mbledh nga çdo familjar me faturën e energjisë (700 mijë euro)?
Prej disa kohësh media ka zbuluar keqmenaxhimet e Radio Televizionit Shqiptar. Një ndër to edhe fatura hotelesh në Tiranë me 1200 euro nata për Festivalin.
Por Drejtori nën hetim nga SPAK i RTSH, Alfred Peza, nuk po kursehet për të bërë mbështetës reth vetes, në një kohë kur po denoncohet nga politika dhe ish punonjësit e shkarkuar.
Në RTSH ka nisur faza e dytë e shkarkimeve masive. Këtë herë me Drejtorët që vetë i ngriti me marrjen e karriges.
Madje këto vende vakante po i ofron për të joshur personazhe publikë për të kururar imazhin e tij publik.
Valbona Selimllari pritet të zërë vendin e Blerta Tafanit që deri para se të plaste një luftë brrylash mes të preferuarëve të Pezës, konsiderohej numri dy i RTSH.
Alban Dudushi edhe pse nën kontratë me median TOP Ch në emisionin e Grida Dumës, është rekrutuar nga Peza me një shumë të majme prej 9.2 milionë lekëve në muaj. Babëzia e marrjes së çdo gjëje rezulton edhe në një kontratë të fshehur rroge mujore (800 mijë lekë) që Dudushi e merr si gazetar terreni i lajmeve.
Kur nën zë po flitet për një rihapje të dosjes së famshme të pasurisë së pajustifikuar 1 milionë dollarëshe, nga prokuroria e Tiranës, miku i Fred Pezës, piktori Elidon Haliti me projekt miliona lekësh ka nisur të ftojë në emision zyrtarë të sistemit të drejtësisë. Kreu i qeverisë së prokurorëve Alfred Balla u josh me një qokë promovimi në një emision të dyshuar abuziv me fondet.
Duhet kuptuar, Fred Peza e ka keq situatën nga njëra anë dosjet e ish punonjësve në gjykata, në anë tjetër hetimet e KLSH për abuzimet, në një anë SPAK me hetimet e dosjes Festivali dhe ankthi që nuk paska mbaruar me pasurinë 1 milion dollarëshe.
Tani që politika kërkon ta thërrasë në Komisionin e Medias, Fred Pezës i duhet mbështetja e Këshillit Drejtues të RTSH që nuk e ka prej disa muajsh.
Kryetarin e Këshillit e ka armikun kryesor dhe ai po i mban peng emërimet abuzive të disa drejtorëve.
Por Peza ka një plan të dytë, joshjen e anëtarëve të këtij Këshilli. Dje me urgjencë është kërkuar që disa anëtarëve tu jepen djeta disa mijëra euro për ditët e Eurovizionit që do mbahet në Malmo.
Kjo si dhuratë turistike dhe përfituese të disa eurove. Kjo po gatuhet në RTSH, disa anëtarë të tjerë janë joshur me projekte nga lekët e taksapagusëve shqiptarë. Nëse ju duhet një krahasim, një projekt-dhuratë sa vlera e pagesës së 100 pensionistëve në Shqipëri.
