GREQI- Personi që shihni në foto është 41-vjeçari Altin Arapaj, që u ekzekutua ditën e sotme në zonën bregdetare të Rafinës në Athinë. Sipas mediave greke Arapaj është qëlluar me armë zjarri brenda një vreshti, ku plumbi e ka goditur në faqe.
41-vjeçari pasi është qëlluar me armë zjarri, ka arritur të telefonojë gruan e tij dhe i ka thënë emrin e autorit. Gjithashtu Altin Arapaj rezulton person me precedentë penalë në Greqi, për vepra të ndryshme penale.
Policia ka rrethuar zonën dhe ka nisur hetimet për zbardhjen dhe dokumentimin e plotë të ngjarjes, me qëllim identifikimin dhe kapjen e autorit të vrasjes. Edhe autori dyshohet me precedentë dhe se vrasja ka ndodhur për larje pazaresh.
