Në Gjirokastër, kreu i SPAK, Altin Dumani, u shpreh për rezultatet e Reformës në Drejtësi gjatë një takimi me zyrtarë të Bashkimit Evropian. Ky takim erdhi një ditë pas kritikave nga opozita dhe heshtjes së mazhorancës, ku Dumani theksoi përparimet e bërë në gjashtë vitet e fundit.
Dumani nënvizoi se reforma ishte mbështetur plotësisht nga partnerët ndërkombëtarë dhe kishte si qëllim rritjen e pavarësisë së sistemit të drejtësisë nga ndikimi politik, si dhe luftimin e korrupsionit dhe paaftësisë. Ai theksoi se SPAK ka zbatuar parimin se askush nuk është mbi ligjin, duke ngritur akuza të rëndësishme ndaj zyrtarëve të lartë, gjyqtarëve dhe prokurorëve, duke eqartësuar se drejtësia është e barabartë me ligjin.
Gjatë vizitës në Universitetin “Eqerem Çabej”, Dumani u kthye edhe drejt studentëve, duke ju bërë thirrje që të angazhohen në sistemin e drejtësisë. Ai ishte i ftuar për një projekt të financuar nga Bashkimi Evropian, ku përmes këtij takimi përçoi mesazhe pozitive ndaj të rinjve që synojnë karrierën në këtë fushë.
Dumani përsëriti se synimi i Reformës në Drejtësi mbetet i qartë dhe i pandryshueshëm, duke theksuar rëndësinë e kësaj reforme për krijimin e një sistemi më të fortë dhe më të besueshëm.
